حنبلی
شریعت اسلامی دی اصطلاح وچ امام احمد بن محمد بن حنبل دی فقہ تے عمل کرݨ والے مسلمان حنبلی سݙویندے ہن. حنابلہ فقہی معاملات وچ قیاس یا رائے کوں نی منیندے تے اپݨی فقہ دی بنیاد زیادہ تر قرآن تے حدیث تے رکھدے ہن۔ انہاں دے نزدیک حدیث دی دیگر کتب وچ مسند احمد بن حنبل کوں نمایاں مقام حاصل ہے۔
دیگر اسلامی فقھاں دے تناسب نال اس وقت حنبلی فقہ دے مقلدین دی تعداد سب توں گھٹ ہے۔ چوݙویں صدی عیسوی تک انہاں دی تعداد کافی ہئی تے شام و فلسطین دے علاقیاں وچ انہاں دا ٻہوں زور ہئی۔ امام ابن تیمیہ وی فقہ حنبلی دے مقلد ہن۔ عثمانی ترکاں دی خلافت توں قبل ہر وݙے اسلامی شہر وچ دیگر تریہے اسلامی فقھیاں دے علاوہ حنبلی قاضی وی مقرر کیتے ویندے ہن مگر ترکاں نے اے رسم ترک کر ݙتی.